Маълумоти асосӣ
Номи пурраи донишкада: Муассисаи таълимии ғайридавлатии “Донишкадаи тиббӣ-иҷтимоии Тоҷикистон”
Номи кӯтоҳи донишкада: МТҒ “ДТИТ”
Суроғаи донишкада: Ҷумҳурии Тоҷикистон, шаҳри Душанбе, кӯчаи Клара - Сеткина 2.
Суроғаи электронӣ: dtit082020@gmail.com
Телефон барои тамос: (+992) 918 67 74 48
Маълумоти умумӣ:
Бо розигии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз 27.06.2020, №25/2-4, МТҒ “Донишкадаи тиббӣ-иҷтимоии Тоҷикистон” таъсис дода шуд. Донишкада ҳамчун муассисаи таҳсилоти олии касбии ғайридавлатӣ сиёсати давлатро дар соҳаи таҳсилоти олии касбӣ ва таҳсилоти касбии баъд аз муассисаи олии таълимӣ, барои таъмини ҳуқуқҳои конститутсионии ҳар як шахс, ҷиҳати дарёфти таҳсилоти олии касбӣ шароит фароҳам меоварад.
Донишкада бо маблағгузории Муассисаи давлатии Фонди дастгирии соҳибкории назди Ҳукумати Ҷумҳурии Тоҷикистон дар муддати 3 сол сохта ба истифода дода шудааст. Инчунин, дар назди донишкада Маркази клиникӣ, илмӣ-таълимӣ фаъолият дорад, ки дар бораборӣ хизматрасонии тиббӣ, ҳамзамон донишҷӯён дарсҳои амалӣ ва клиникии худро тибқи талаботи нақша ва барномаҳои таълимӣ мегузаронанд.
Муассиса фаъолияти худро дар асоси иҷозатномаи Агентии назорат дар соҳаи маориф ва илми назди Президенти Ҷумҳурии Тоҷикистон оид ба пешбурди фаоълияти таълимӣ Т-ИФ №0000001 аз 03.08.2020, №02, инчунин дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон "Дар бораи маориф ", Кодекси тандурустии Ҷумҳурии Тоҷикистон, Низомномаи намунавии муассисаи таҳсилоти олии касбӣ дар Ҷумҳурии Тоҷикистон ва дигар санадҳои меъёрии ҳуқуқуии соҳавӣ ба роҳ мондааст.
Донишкада дорои иҷозатнома буда, ки аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон барои пешбурди фаъолияти Т-ИФ №0000001 аз 03.08.2020 ва шаҳодатнома дар бораи аккредитатсияи давлатӣ Т-АД №0000931 аз 04.11.2022 барои ихтисосҳои: кори табобатӣ, психологияи тиббӣ, стомотология, фармасевтӣ, зинаи мутахассис ва ихтисоси тиббӣ иҷтимоӣ (фаъолияти иҷтимоӣ-тиббӣ-психологӣ) зинаи бакалавриат мебошад.
Фаъолияти донишкада тибқи тартиби муқаррарнамудаи қонунгузории Ҷумҳурии Тоҷикистон ва Оинномаи донишкада дар асоси мутобиқи принсипҳои ягона ва коллегиалӣ амалӣ гардонида мешавад. Мақоми ягонаи идоракунандаи донишкада ректор мебошад, ки фаъолияти донишкадаро роҳбарӣ менамояд.
Донишкадаи тиббӣ-иҷтимоии Тоҷикистон аз рӯзҳои аввали фаъолияти худ маҳз чунин ҳадафҳо ва вазифаҳоро дар назди худ гузоштааст ва ин ҳадафҳо бо тасдиқи ҷомеаи мо қабул карда мешаванд. Инро посухҳои мусбӣ дар бораи донишкада дар матбуоти даврӣ, шабакаҳои телевизион ва радиоӣ, сомонаҳои иҷтимоӣ ва саҳифаҳои фейсбукӣ инчунин донишҷӯёне, ки ба донишкада тавассути озмун қабул карда мешаванд, ки аксарашон мактаби миёнаро бо шаҳодатномаи махсус яъне (медали тилло, нуқра) ё коллеҷҳои тиббиро бо дипломи аъло хатм карда бошанд.
Донишкада ба таври мутаносиб рушд мекунад. Стандарти тахассусии таълимии таҳиякардаи ӯ ба стандарти давлатӣ комилан ҷавобгӯ буда, айни замон, як қатор хусусиятҳо дорад: робитаҳои ҳамгироӣ дар байни фанҳоро тақвият медиҳад, то такрори ҳадди аққал ва такмили муаррифии дониш такмил ёбад.
Самти стратегии донишкада баланд бардоштани сифати мутахассисони хатмкардаи дорои донишҳои амиқи фундаменталӣ ва малакаҳои амалӣ дар соҳаи тиббӣ назариявӣ ва клиникӣ мебошад.
Барои баланд бардоштани сифати тайёркунии хатмкунандагон тадбирҳои дигар низ пешбинӣ шудаанд. Ин пурзӯргардонӣ ва муътадилсозии таълим тавассути фаъолона ворид намудани шаклҳо, усулҳо ва воситаҳои техникии таълим дар раванди таълим, аз ҷумла информатика ва технологияи компютерӣ бо назорати доимии мавзуии компютерӣ; ҷалби мутахассисони варзидаи тиб, омӯзгорони баландихтисос, олимони намоён, аз ҷумла олимон барои пешбурди кори педагогӣ тибқи шартнома.
Муассисаи таълимии ғайридавлатии “Донишкада тиббӣ-иҷтимоии Тоҷикистон” якумин муассисаи ғайридавалтии таҳсилоти олии тиббӣ мебошад, ки дорои бинои муосири таълимӣ бо Маркази клиникӣ, илмӣ-таълимӣ ва озмоишгоҳҳо мебошад. Инчунин муассиса бо 36 муассисаҳои тиббӣ-профилактикӣ ва клиникӣ, ки хусусияти ҷумҳуриявӣ ва шаҳрӣ доранд шартномаи ҳамкорӣ дорад.
Муассисаи таълимии ғайридавлатии "Донишкадаи тиббӣ-иҷтимоии Тоҷикистон" дорои 5 факултет буда, аз ҷумла: тиббӣ, психологияи тиббӣ, стоматология, фармасевтӣ, ва тиббӣ иҷтимоӣ мебошад. Потенсиали педагогӣ ва кадрии донишкада хеле зеҳнӣ ва дорои маълумоти олӣ мебошад. Дар донишкада дар солҳои таҳсили 2022-2023 ҳайати профессорону омӯзгорони донишкада 170 нафар буда, аз онҳо 105 (61,8%) нафари онҳо омӯзгорони асосӣ ва 65 (38,2%) нафари боқимонда омӯзгороне, ки ба таври ҳамкор ба кор қабул гардидаанд. Аз теъдоди умумии омӯзгорон 51 (30%) нафари онҳо дорои дараҷа ва унвони илмӣ мебошанд. Аз 105 нафар кормандони асосӣ 38 (36,5%) нафари онҳо кормандони дорои дараҷа ва унвони илмӣ дошта, 9 нафари онҳо доктори илм ва профессор буда ва як нафар узви вобастаи Академияи миллии илмҳои Тоҷикистон мебошад.
Теъдоди умумии омӯзгорони ҷавон 33 нафар буда, 5 (15,1%) нафари онҳо омӯзгорони дорои дараҷаи унвони илмӣ дошта мебошанд.
Теъдоди умумии занон дар донишкада фаъолияткунанда 64 (37,6%) нафар буда, аз ин теъдод 12 (18,6%) нафари онҳо дорои дараҷа ва унвони илмӣ дошта, роҳбарони зерсохторҳои донишкада мебошанд. Дар се соли охир аз шумораи умумии ҳайати профессорону омӯзгорони донишкада 52 (48,6%) нафари онҳо аз такмили ихтисос гузаштаанд.
Теъдоди донишҷӯёни донишкада сол аз сол зиёд гардида, аз 218 нафар донишҷӯёни дар оғоз қабул гардида, дар се соли таҳсил шумораи онҳо ба 2638 нафар баробар гардида, аз теъдоди умумии донишҷуён 644 (24,4%) нафар духтарон ва 1994 (75,6%) нафар писарон ташкил медиҳанд.
Шумораи донишҷуёни хориҷӣ дар донишкада 71 нафарро ташкил медиҳад, ки аз онҳо 42 нафар аз Ҷумҳурии Ҳиндустон, 8 нафар аз Ҷумҳурии Исломии Покистон, 15 нафар аз Ҷумҳурии Нигерия, 1 нафар аз Ҷумҳурии Малайзия, 1 нафар аз Ҷумҳурии Ӯзбекистон, 3 нафар аз Ҷумҳурии Исломии Афғонистон ва 1 нафар аз Ҷумҳурии Бангладеш мебошанд, ки дар қиёс нисбат ба соли гузашта 24 нафар зиёд мебошанд.
Теъдоди донишҷӯёни ватанӣ нисбат ба соли аввали қабули довталабон 2420 нафар зиёд гардидаст.
Донишкада ҳамасола дар рейтингҳои муассисаҳои таҳсилоти олии касбии ҷумҳурӣ фаъолона иштирок менамояд, ки соли 2021 ҷойи 22-ро ишғол намуда буд, ки айни ҳол нисбати солҳои гузашта нишондиҳандаҳои донишкада беҳтар гардидааст.
Дар соли 2023, Донишкадаи тиббӣ-иҷтимоии Тоҷикистон ба Феҳристи донишгоҳҳо ва донишкадаҳои тиббии байналмилалӣ (World Directory of Medical Schools) шомил шуд. Муассиса бо 11 донишгоҳу донишкадаҳои байналмилалӣ дар самти таҳсилот, корҳои илмӣ-таҳқиқотӣ, табодули таҷрибаи донишҷӯён, ҳайати профессорону омӯзгорон ва дигар самтҳои тиб ҳамкории судманди дуҷонибаро ба роҳ мондааст.
Дар раванди таълимии донишкада технологияҳои компютерӣ васеъ истифода бурда мешаванд: бо истифодаи технологияҳои мултимедиявӣ, сатҳи баланди лексияҳои аёнӣ, инчунин эҷоди барномаҳои аёнӣ барои назорат аз болои дониш ва худомӯзии донишҷӯён ба азхудкунӣ раванди таълим мусоидат мекунанд.
Дар донишкада барои баланд бардоштани сатҳи фарҳангии донишҷӯён ва рушди мутаносиби табиби оянда тамоми шароити зарурӣ фароҳам оварда шудааст. Бо ин мақсад гурӯҳҳои эҷодӣ, сексияҳои варзишӣ, дастаҳои донишҷӯён таъсис дода шудаанд, ки ҳама намудҳои зуҳури истеъдодро инъикос мекунанд.
Факултети тиббӣ
Ба хатмкунандагони факултети тиббӣ (1-790101) - ихтисоси кори табобатӣ тахассуси "Духтур" дода мешавад ва онҳо дар муассисаҳои профилактикӣ ва табобатии кумаки аввалияи тиббии санитари (КАТС), беморхонаҳо, диспансерҳо, марказҳои перинаталӣ фаъолият мекунанд. Муҳлати таҳсил 6 сол.
Дар натиҷаи омӯхтани барномаҳои тахассусӣ донишҷӯён бояд салоҳияти «Пешгирӣ, ташхис, табобат, офият ва ташкили тандурустӣ»-ро аз худ намоянд.
Хатмкунанда ба хатми донишкада таҳсилро дар интернатура (таҷрибаҳосилкунии солона) ё ординатураи клиникӣ аз рўи ихтисоси интихобкарда идома медиҳад.
Факултети стоматология
Ба хатмкунандагони факултети стомотология (1–790107) тахассуси “Духтур стомотолог” дода мешавад. Муҳлати таҳсил 5 сол.
Соҳаи фаъолияти касбии хатмкунанда: муассисаҳои тиббӣ-стоматологӣ – марказҳои саломатӣ, беморҳонаҳо, пажуҳишгоҳҳоро дарбар мегирад. Объектҳои фаъолияти касбии хатмкунандагон аз рўи ихтисоси стоматология шахсони ҳуқуқӣ (беморон), аҳолӣ мебошанд. Хатмкунанда аз рўи ихтисоси стоматология бояд ба чунин намуди фаъолияти касбӣ омода бошад: тиббӣ; ташкили идоракунӣ; илмӣ - тадқиқотӣ.
Хатмкунандаи ихтисоси – стоматология барои ҳалли вазифаҳои касби фаъолияти тиббӣ, фаъолияти ташкилӣ-идоракунӣ, фаъолияти илмӣ-тадқиқотӣ бояд тайёр бошад.
Факултети фармасевтӣ
Ба хатмкунандагони факултети фармасевтӣ (1-790108) тахассуси “Фармасевт” дода мешавад. Муҳлати таҳсил 5 сол.
Соҳаи фаъолияти касбии хатмкунанда: муассисаҳои кимиёӣ-фармасевтиро дар бар мегирад. Объектҳои фаъолияти касбии хатмкунандагон аз рўи ихтисоси фармасевтӣ инҳо мебошанд: маводи доруворӣ; шахсони физикӣ ва ҳуқуқӣ; аҳолӣ. Хатмкунанда аз рўи ихтисоси фармасевтӣ бояд ба чунин намуди фаъолияти касбӣ омода бошад: фармасевтӣ, тиббӣ; ташкили идоракунӣ; илмӣ-тадқиқотӣ.
Хатмкунандаи ихтисоси - фармасевтӣ барои ҳалли вазифаҳои касбии зерин бояд тайёр бошад: фаъолияти фармасевтӣ, фаъолияти тиббӣ.
Факултети психологияи тиббӣ
Ба хатмкунандагони факултети психологияи тиббӣ (1-790105) тахассуси “Психологи тандурустӣ” дода мешавад. Муҳлати таҳсил 6 сол мебошад.
Соҳаи фаъолияти касбии мутахассисон иборат аст: корҳои илмию тадқиқотӣ ва амалӣ дар соҳаи психологияи клиникӣ, ки ба ҳалли масъалаҳои мураккаби ташхиси психологӣ, ташхис ва кумаки равонӣ ба шаҳрвандон дар муассисаҳои тандурустӣ, таълим ва кумаки иҷтимоӣ ба аҳолӣ, ташкилотҳои ҷамъиятӣ ва иқтисодӣ, мақомоти маъмурӣ ва ҳифзи ҳуқуқ, илмӣ нигаронида шудаанд ташкилотҳои тадқиқотӣ ва машваратӣ, инчунин дар соҳаи амалияи хусусӣ - пешниҳоди хидматҳои психологӣ ё маҳсулот ба шахсони воқеӣ ва ташкилотҳо, инчунин ба таври инфиродӣ.
Факултети тиббӣ-иҷтимоӣ
Ба хатмкунандагони факултети тиббӣ иҷтимоӣ (1-860101) тахассуси “Мутахассиси тиббӣ - иҷтимоӣ” дода мешавад. Муҳлати таҳсил 4 сол мебошад.
Соҳаҳои фаъолияти касбӣ: хизматрасониҳои иҷтимоӣ ва давлатӣ, муассисаҳо ва муассисаҳои системаи ҳифзи иҷтимоии аҳолӣ, маориф, тандурустӣ, артиш, мақомоти ҳифзи ҳуқуқ ва ба таври инфиродӣ мустақилона фаъолият намудан.
Мутахассисе, ки барномаи таълимии таҳсилоти олии касбиро аз рӯи ихтисоси мазкур аз худ кардааст, омода аст таҳсилро дар аспирантура идома диҳад. Ҳадафи кори тиббӣ ва иҷтимоӣ ба даст овардани сатҳи баландтарини саломатӣ, фаъолият ва мутобиқшавӣ бо шахсони дорои нуқсонҳои ҷисмонӣ ва рӯҳӣ, инчунин камбизоати иҷтимоӣ мебошад.