Таълим

МТҒ "Донишкадаи тиббӣ-иҷтимоии Тоҷикистон"

TJ RU EN

Мижгони Сорбон

- муовини ректор оид ба таълим ва таҷрибаомӯзи

- номзади илмҳои тиб

Тел:

Почтаи электронӣ: mijgon70@list.ru

Раванди таълим

Раванди таълим дар донишкада дар 22 кафедра гузаронида мешавад. Инчунин дар назди донишкада Маркази клиникӣ, илмӣ-таълимӣ фаъолият намуда, дар баробари ин, донишкада бо 36 муассисаҳои тиббӣ, профилактикӣ ва клиникии шаҳри Душанбе шартномаи ҳамкорӣ дорад. Ташаккули сохтори шуъбаҳои таълимӣ аз ҷониби Стандартҳои давлатии таҳсилот, муҳтавои барномаҳои таълимӣ бо талаботи барномаҳои таҳсилоти касбӣ муайян карда мешавад. Сохтори таълимӣ ҷузъи тағйирёбандаи донишкада буда, доимо бо мақсади инкишофи таълим, самтҳои нави муосири тиббӣ, тандурустии амалӣ мукаммал мегардад. Дар МТҒ "Донишкадаи тиббӣ-иҷтимоии Тоҷикистон" 5 факултет: тиббӣ, психологияи тиббӣ, стомотология, фармасевтӣ ва кори иҷтимоӣ фаъолият менамояд.

Шумораи умумии донишҷӯён дар МТҒ "Донишкадаи тиббӣ-иҷтимоии Тоҷикистон" 2638 нафар буда, аз ин шумора 71 донишҷӯ аз 7 кишвари ҷаҳон: Ӯзбекистон, Афғонистон, Покистон, Ҳиндустон, Бангладеш, Нигерия ва Малайзия ба таҳсил фаро гирифта шудаанд.

Раванди таҳсил дар асоси барномаҳои нави таълимӣ, нақшаҳо ва Стандартҳои давлатии таҳсилот ба стандартҳои байналмилалии таҳсилоти соҳавии тиббӣ мутобиқшуда, ки Вазорати маориф ва илми Ҷумҳурии Тоҷикистон тасдиқ намудааст, ба роҳ монда шудааст. Омӯзиш бо 3 забон: тоҷикӣ, русӣ ва англисӣ гузаронида мешавад.

Ҷанбаҳои афзалиятноки омӯзиш ҷорӣ намудани технологияҳои замонавии таълимӣ мебошанд. Малакаҳои клиникии донишҷӯён дар ҳамкории зич бо Маркази омӯзиши малакаҳои амалӣ (МОМА), ки бо технологияи пешқадам (симуляторҳо, моделҳо, фантомҳо, таҷҳизоти тиббӣ ва воситаҳои визуалии таълим аст) ба амал меояд.

Барномаи рушди донишкада дар доираи якчанд лоиҳаҳо ба монанди: азнавсозии мазмуни таҳсилот, фаъолияти таълимӣ, илмию-таҳқиқотӣ ва инноватсионӣ, рушди захираҳои инсонӣ, фаъолияти тиббӣ, ҳамкориҳои байналмилалӣ, азнавсозии заминаи моддию техникӣ ва инфраструктураи он, таъминоти иттилоотӣ, фаъолияти молиявию иқтисодии донишкада амали карда мешаванд.

Рисолати муассисаи таълимии ғайридавлатии "Донишкадаи тиббӣ-иҷтимоии Тоҷикистон" пеш аз ҳама омода намудани мутахассисони баландихтисос, дорои маҳорат, малака ва салоҳиятҳои хуби касби барои соҳаи тандурустӣ ва ҳифзи иҷтимоии аҳолии Ҷумҳурии Тоҷикистон мебошад.

Дар донишкада усулҳои инноватсионии таълим истифода мешаванд, ки дар доираи он донишҷӯён имконият доранд дар марказҳои тиббии ҷумҳуриявӣ, муассисаҳои табобатию пешгирикунандаи шаҳри Душанбе ва ҳамчунин дар ҳамаи минтақаҳои кишвар фаъолияти таҷрибавӣ баранд.

Мунтазам азнавсозии заминаи моддӣ – техникӣ, нақшаҳои таълимӣ, стандартҳои таҳсилот ва баланд бардоштани дараҷаи ихтисоси ҳайати профессорону омӯзгорони донишкада, инчунин усулҳои иноватсионии омӯзиш ба омодасозии босифати мутахассисон мусоидат мекунад.

Рӯйхати ҳуҷҷатҳо

Стандартҳои давлатии таълимии аз рӯи ихтисос