ИШТИРОКИ НАМОЯНДАИ МТҒ “ДОНИШКАДАИ ТИББӢ-ИҶТИМОИИ ТОҶИКИСТОН” ДАР ЧОРАБИНИИ БАЙНАЛМИЛАЛИИ ҶАВОНОН ДАР ШАҲРИ МОСКВА
6-уми феврали соли 2026 дар шаҳри Москваи Федератсияи Россия марафони байналмилалии «Россия – кишвари оилаҳо» баргузор гардид, ки дар он ҳайати ҷавонони Ҷумҳурии Тоҷикистон низ фаъолона иштирок намуданд.
Аз ҷониби МТҒ “ Донишкадаи тиббӣ - иҷтимоии Тоҷикистон” муовини ректор оид ба тарбия, доктори фалсафа (PhD) аз рӯйи ихтисоси филология - Убайдуллоҳзода Мавзуна Аъзам дар ин чорабинии сатҳи баланд иштирок кард.
Ҷалби ҷавонони ҷумҳурӣ барои иштирок дар ин чорабинии сатҳи байналмилалӣ аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба роҳ монда шуд.
Дар доираи он намояндагони кишварҳои гуногун, ходимони давлатӣ, олимон, варзишгарон ва чеҳраҳои маъруфи фарҳангиву ҳунарӣ бо барномаҳои фарҳангӣ баромад намуданд.
Барномаи марафон хеле фарогир буда, лексияҳои маърифатӣ, мастер-классҳои фарҳангӣ ва варзишӣ, намоиши либосҳои миллӣ, консертҳо ва барномаҳои эҷодиро дар бар гирифт.
Ҳамзамон, барои иштирокчиён намоишгоҳҳои мавзуӣ, китобхонаҳои адабиёти халқҳои гуногун, дегустатсияи таомҳои миллӣ ва барномаҳои интерактивӣ ташкил карда шуданд.
Иштироки намояндаи донишгоҳ дар чунин чорабинии байналмилалӣ ба таҳкими робитаҳои фарҳангиву ҷавонон, мубодилаи таҷриба ва густариши ҳамкориҳои илмӣ-фарҳангӣ мусоидат менамояд. Ҳамзамон, ин сафар имконияти хубе фароҳам овард, то ҷавонони Тоҷикистон дар фазои байналмилалӣ арзишҳои миллиро муаррифӣ намуда, робитаҳои дӯстиву ҳамдигарфаҳмиро тақвият бахшанд.